نكت سياسيه

فى زياره لاحد المدارس وقف الرئيس مبارك وسأل مين يا ولاد عنده اسأله ؟
فوقف احد التلاميذ وقال: انا.... فقاله: اسمك ايه ؟...... قال اسمى :رامى .... قاله : سؤالك ايه يا رامى .... قاله : انا عندى 4 اسئله
1 - انت ليه رئيس بقالك اكتر من 25 سنه ؟
2 - انت ليه ماعينتش نائب ليك لغاية دلوقتى ؟
3 - ليه ولادك ماسكين كل حاجه فى البلد ؟
4 - ليه البلد حالتها زى الزفت وانت مش فارقه معاك ؟

وفى اللحظه دى رن جرس الفسحه وبعد الفسحه رجعوا تانى
وقال مبارك : ها احنا وقفنا فين ؟ اه مين عنده اسئله ؟
فقام تلميذ اخر وقال : انا ؟ .... قاله : اسمك ايه ؟ .... قاله : اسمى سامح ؟ قاله: سؤالك ايه يا سامح ؟ .... قاله : انا عندى 6 اسئله

1 - انت ليه رئيس بقالك اكتر من 25 سنه ؟
2 - انت ليه ماعينتش نائب ليك لغاية دلوقتى ؟
3 - ليه ولادك ماسكين كل حاجه فى البلد ؟
4 - ليه البلد حالتها زى الزفت وانت مش فارقه معاك ؟
5 - ليه جرس الفسحه رن قبل معاده بنص ساعه ؟
6 - وبعدين فين رامى اللى سأل قبلى ؟

-----------------------------------

علاء مبارك شارك فى برنامج من سيربح المليون ووصل لسؤال المليون وكان السؤال
من هو اكبر حرامى فى مصر؟
فطلب الاتصال بصديق اتصل بجمال اخوه قاله : انسحب باللى كسبته وبلاش تخسر ابوك .