أهو ده الشعر اللي بيعجبني وأكيد ها يعجبكم - اوعي تفوته عليك لتندم

عشمني بالمحبه .. وشعلقني بالهوا

حايلته حبه حبه .. زودها وإتلوى



ياصباح الخير متأخر .. ياعود والع متبخر

كل ما أقولك بحبك .. ألاقيك نايم بتشخر



أحبك حب البطة للبطوط .. والفرخة للكتكوت

والصعيدي للنبوت .. والجربان للبرغوت



حبيبي ماشي حافي .. والأرض بتلسعه

يارتني كنت شبشب .. كنت أقدر أنفعه



أحبك يا راوشني .. عبرني وإنعشني

كسرني وفرفشني .. بس إوعى تطنشني



إتقل على حبيبك .. وإرميه في البلاعه

يرجعلك مستحمي .. وفي بقه نعناعه



موش مهم إنك حلو.. وموش مهم إنك شيك

المهم إنك مؤدب .. وده اللي عاجبني فيك



الشاي قال للسكر .. ياأبيض يا تاعبني

رد السكر وقال له .. ياأسمر يامدوبني



كان بينا شوق ومحبه .. ضيعتهم بلوية بوزك

ياأخي يحرق المحبه .. ويحرق إللي يعوزك



ياراكني فوق الرف .. ما تحن عليا شويه

أنا قلبي شريط بيسف .. وإنت ولا حاسس بيه