almokhtabar.ahlamontada.com
حتى تكون موظف بالمختبر ويتم التواصل بينك وبين زملائك يجب ان تسجل فى هذا المنتدى

من حسنى مبارك الى شعب مصر

استعرض الموضوع السابق استعرض الموضوع التالي اذهب الى الأسفل

من حسنى مبارك الى شعب مصر

مُساهمة من طرف abo_holaa في الأربعاء 27 مايو 2009, 9:05 am


من حسني مبارك .. إلى شعب مصر

شعر : أحمد فؤاد نجم


ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال


avatar
abo_holaa
Admin
Admin

عدد المساهمات : 216
تاريخ التسجيل : 17/05/2009
العمر : 36
ذكر

http://almokhtabar.ahlamontada.com

الرجوع الى أعلى الصفحة اذهب الى الأسفل

رد: من حسنى مبارك الى شعب مصر

مُساهمة من طرف white heart في الخميس 28 مايو 2009, 12:42 pm

عليا النعمة هتودينا في داهية و تغرقنا Laughing
avatar
white heart
موظف شغال
موظف شغال

عدد المساهمات : 112
تاريخ التسجيل : 19/05/2009
العمر : 31
ذكر

الرجوع الى أعلى الصفحة اذهب الى الأسفل

رد: من حسنى مبارك الى شعب مصر

مُساهمة من طرف Goda في الجمعة 29 مايو 2009, 9:56 am

حقيقة بيعيشها الشعب المسكين ولكن السبب مش مبارك بس السبب كل ظالم مستبد حتى من الشعب نفسه لان مبارك والحكومه مصريين برده يعنى كل مننا فينا مفيش استعمار وربنا يسترها
avatar
Goda
موظف جديد
موظف جديد

عدد المساهمات : 29
تاريخ التسجيل : 18/05/2009
ذكر

الرجوع الى أعلى الصفحة اذهب الى الأسفل

رد: من حسنى مبارك الى شعب مصر

مُساهمة من طرف Baby dream في الجمعة 29 مايو 2009, 12:48 pm

ياريتها ترسى على داهيه واحده Embarassed
avatar
Baby dream
موظف جديد
موظف جديد

عدد المساهمات : 9
تاريخ التسجيل : 25/05/2009
العمر : 31
انثى

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى